AGM Motor Service 已經開業第7年，由舊舖到而家呢間舖，7年裡面真係載滿咗回憶，亦經歷咗好多變化～

有好多客人都話第一次嚟我哋舖頭嗰陣，都會覺得呢度同一般車房好唔同，絕對唔係「賣花讚花香」🤣 成個環境都好光猛，牆上面掛滿好靚嘅霓虹燈，車房空間好大，仲有齊各種服務：死氣喉、維修、避震、美容、音響。

呢度有 office，樓上有個休息區，靚到好似 party room 咁～無論係員工著嘅 T恤、公司 logo 咕𠱸、汽車香片、行車證貼紙，定係宣傳單張，全部都一手一腳設計，我哋想做嘅，唔止係一間車房，而係一個真正來自香港嘅本土死氣喉品牌。

一班男人老狗，靠住團結同埋佢哋貼地、真性情，甚至帶點搞笑嘅圖文，慢慢累積咗萬幾個 Facebook fans～呢個過程一啲都唔容易。師傅嘅手藝亦一年比一年純熟，仲儲落好多熟客，不斷介紹朋友過嚟。有好多客同佢哋仲做左朋友，會記得大家個名，甚至買嘢食過嚟請同事食～

我哋用咗好多心機去打造一間環境舒服、有冷氣、有得玩住hea住等嘅車房。亦應該感受到我哋班同事待客嘅態度——鐵漢柔情🤣。如果唔使改，佢哋會直接話你知，唔會刻意賺多你。有咩事返嚟搵佢哋，死氣喉永久保養，絕對唔會唔理你或者推卸責任。

我哋唔會開海鮮價，甚至可以同你傾改裝建議傾到凌晨（未瞓嘅話🤣），亦會不斷諗點樣與時並進、點樣做好宣傳，等公司持續進步。

我哋一直堅持「以客為本」，希望每個客人嚟到，都覺得我哋係可信嘅：環境舒服、待人熱情、師傅手藝專業細緻。希望可以成為一間你一諗起整車，就會諗起我哋嘅車房！！🙌🏻

香港製造 承諾永久保養

立即預約